13
Oct

ВАКУМ ЦОНХНЫ ЧАНАР, СТАНДАРТ

Нийтийн орон сууцны болон барилгын  цонхонд хэрэглэж буй үндсэн болон туслах материал MNS болон ISO  олон улсын чанар стандартын шаардлага хангасан байна. /MNS5802:2007, MNS5874:2008, MNS:2011, MNS6266:2011/
Хэлбэржүүлсэн цувимал эдэлхүүн буюу хуванцар бэлдэц нь ISO олон улсын болон үйлдвэрлэгч улсын чанарын шаардлага хангасан ус, чийг, салхины элэгдэлийг даах чадвартай, галд тэсвэртэй, цаг уурын нөхцөлөөс шалтгаалан физик, химийн шинж чанараа алдаагүй байх ёстой. Түүнчлэн гарал үүслийн гэрчилгээ, чанарын сертификат, үйлдвэрийн албан ёсны хаяг, шошготой  байх бөгөөд 70мм-с дээш өргөнтэй, 5-с дээш тасалгаатай байна.

Метал зүрхэвчний ханын зузаан нь 1,2 мм-ээс багагүй зэврэлтээс хамгаалсан цайрдсан, өнгөлгөөтэй тухайн цувималдаа зориулсан хийц хэмжээтэй төмөр байна. Төмрийг хувинцар бэлдэцийн дотор талд залгаагүй жигд хийсэн байна. MNS5830:2007 стандартын 5,7-д заасан шаардлагыг хангасан байна.
Барилгын цонхны ихэнх талбайг шилэн багц эзэлдэг тул чухал хийцэд тооцогдоно. Шилний зузаан 4мм мөн 5мм байх бөгөөд дулаан солилцолын хувьд энэ 2 хэмжээ нь бараг ялгаагүй боловч бат бөх, мөн даралт даахчадварын хувьд ялгаатай байна. Нэг хөндийтэй цонхны хувьд 16мм-ээс багагүй гуурстай байхёстой. Дулаан алдагдалыг бууруулахын тулд хөнгөн цагаан гуурсыг хуванцар гуурсаар солих, тусгай зориулалтын хальс наах, шинэ технологийн түрхлэг / low-E,  Nano/ хэрэглэх эсвэл аргон хийгээр дүүргэх гэх мэт дэвшилтэт технологиоор дулаан дамжуулалтын кофицентийг Монгол улсын цаг уурын бүсчлэлд тохируулан шийдвэрлэх ёстой.

Нугас түгжээ нь найдвартай ажиллагаа шаардлагыг хангасан 2d болон 3d тохируулгатай, нугастай. Бариул нь 150Н*М-ээс багагүй мушгих моментийн хүчийг 500Н-аас багагүй ачааллыг даах бөх бат чанарыг агуулсан байна.
Резин жийрэг нь цельсийн 500 хэмд хөлдөхгүй, цаг уурын халуун хүйтний өөрчлөлтийг даах чадвартай, эсэлдэж хагарч, хугардаггүй, хөлддөггүй, байгаль орчинд нөлөөгүй, зөөлөн EPDM резин нь стандартын нөхцлийг хангана. Резин нь 2 төрөл байна.

  • EPDM резин /стандартын/
  • PVC хольцтой резин

Тагтны хэсэг дэхь гэрэл нэвтрүүлэхгүй хэсгийг дулаалгатай хөнгөн цагаан хуудас буюу хуванцар гурван үет хавтангаар хийдэг. Халаалтгүй үед хаалганы самбарыг дулаалгагүй хөнгөн цагаан хуудас буюу өнгөлгөөний материалаар хийж болно.
Барилгын цонхыг суулгахдаа мэргэжлийн баг, хамт олноор гүйцэтгүүлэх нь хамгийн зөв сонголт юм.
Цонхыг суулгахын тулд нэн түрүүнд ханын бүтээцийг судлах хэрэгтэй юм. Ханын бүтцийн дулаан дамжилтын эсэргүүцэл, ханын зузаан дагуу тархах температурын уналтыг тооцон гаргасны дараа ханын хөндлөн огтлол дагуух темпратурын тэг тэнхлэг буюу 0 цэгийг тодорхойлсноор суулгалт зөв явагдах технологийн ажиллагаа эхэлнэ.
Ханын 0 цэгийг тодорхойлсны дараа цонх суулгах технологийг “Барилгын хана, цонхны уулзвар угсралтын заадал” техникийн ерөнхий шаардлага стандартын бүтээцийн шийдэлд харуулсаны дагуу суулгах, бэхлэх, битүүмжлэх /чигжих/ өнгөлөх ёстой юм